اصالة تخرج عن صمتها .. وتكشف كواليس القبض عليها بتهمة حيازة "كوكائيين"

خرجت الفنانة اصالة عن صمتها بعد حادثة إلقاء القبض عليها في مطار بيروت الدولي؛ بتهمة حيازة غرامين من "الكوكائيين"، ولكن تم الإفراج عنها بضمان إقامتها، على أن تخضع مرة ثانية لتحليل الدم.

ونشرت اصالة عبر حسابها على مواقع التوصل الاجتماعي (فيسبوك) توضيحا لما حصل معها وكتبت : "على قد ماكانت الساعات الطويلة الماضية قاسية وصعبة.. على قد مافرحت بالمحبّة وبالاهتمام وبالثقه اللي غمرتوني فيها.. ماتعوّدت بحياتي فسّر أو وضّح أو كون بمطرح المتّهم.. مو بس لثقتي بنفسي بل لأنّي ومن عمري ست سنين وأصغر وأنا بين الناس وكتار كتير اللي اهتمّوا فيني، وكتار كتير اللي أضافولي وعلّموني."

وأضافت: "لا أبالغ لو قلت إنّي بحسّ بمسؤولية التعبير حتّى فيما له بالغ الأثر على أماني وأمان عائلتي، لأنّي ضمير هالناس اللي مابيقدر صوتهم يوصل.. طبعًا مرّات بندم وبقول شو كان بدّي بهالتعب.. بس الأكيد إنّي خلقت لكون متل ما انا."

وتابعت: "بيروت حبيبتي وتوأمي والناس اللي فيها بتساعدني وبتحبني أكتر بكتير من غيرهم..أنا بحسّ حالي خلقت فيها وبعشق كلّ ذرّه من ترابها.. ومارح أزعل منها كتير لأنّه مالها ذنب"

واستطردت: "شكرًا لكلّ اللي ساندوني وساعدوني من كبار هالدوله اللي بيتعذبوا أكتر منّي ليضلّوا كبار، وصلت اليوم بيتي تعبانة شوي ومصدومة شوي ومقهورة شوي، بس كمان عندي أمل بالضمير وخصوصًا لمّا قريت بعض الرسائل لمن لاتربطني بهم مودّة ومع ذلك نفوا عنّي ماأُشيع، والحقيقة هالشي فرّحني متل مافرحت بالكم الهائل من المحبّة والاهتمام اللي خفّف عنّي شعور الظلم اللي مارح أتعوّد عليه."

وأكملت: "مافي شي إسمه صحافة صفرا بس فيه ناس صفرا بيشتغلوا صحافة، وكلامهم أنتوا ردّيتوا عليه، ومالحق يجرحني، وسؤالي إلهم (ليش لازم كون مُتّهمة وملوّثه ليكتب قلمكم عنّي؟ ممنوع كون حرّة؟ ممنوع طالب بالعدل؟ ممنوع كون بشر متل البشر اللي خلقهم الله ليكونوا جنب بعض؟."

وأوضحت: "أملي ببكرة أحلى كبير وأملي حتّى بالضمير اللي مات يصحى كمان مازال موجود، وأنا كتبت لطمّنكم، إنّي قدوة ووفيّة لثقتكم ومعكم عم بستنّى العدل يسود، ومعكم عم كافح لنكون أحرار، ورح أرجع بيروت لما بتشتقلي، وتحميني قبل ماتظلمني".

وكانت السلطات اللبنانية افرجت عن اصالة "بموجب كفالة بضمان محل الإقامة"، بعد أن أوقفت في المطار لحيازتها كمية قليلة من الكوكايين.

وقرار إطلاق سراحها اتخذ بعد خضوعها  لفحوص مخبرية، وسط تضارب المعلومات بشأن النتائج، إذ تحدثت مصادر غير رسمية أنها أكدت تعاطي أصالة للمخدرات.

وكانت أصالة قد نفت أن تكون المخدرات التي ضبطت من قبل أجهزة أمن المطار خلال مغادرة بيروت تعود لها، واتهمت في إفادتها الأولية أحدهم بمحاولة توريطها بهذه القضية للإساءة إلى سمعتها.

يشار إلى أن أجهزة الأمن في مطار بيروت كانت قد أقدمت عام 2013 على سحب جواز سفر المطربة السورية بناء على مذكرة الانتربول الصادرة بحقها، قبل أن تعيده إليها بعد خمسة أيام.

وأعادت الأجهزة الأمنية الجواز بعدما تبين أن قرار الملاحقة في حق أصالة صادر عن السلطات السورية لأسباب سياسية، علما بأنها معارضة للنظام السوري.

سيريانيوز